Матча гэж юу вэ?
-Матча нь ногоон цайны нунтаг буюу охь дээж нь юм.
Матчаны эрүүл мэндийн ач холбогдол
-Товчхондоо матча нь анти-оксидантын супер нунтаг юм. Анти-оксидант гэдэг нь залуужуулж хөгшрөлтийг удаашруулах, ой тогтоолт, анхаарал төвлөрлийг сайжруулах, эрч хүчийг нэмэх, өөх хайлуулах, мөн хорт хавдар зэрэг олон өвчнөөс сэргийлэхэд тустай шим тэжээл, энзимүүдийн нийлбэр билээ.
Матча кафеин агуулдаг уу?
-Матчаны нунтагт кофетой ижил хэмжээний кафеин байдаг. Гэхдээ биед харьцангүй удаан шингэдэг тул өдрийн турш эрч хүчтэй байлгахад тустай. Кофе уухад тэр даруйдаа нойр сэргэн, эрч хүч нэмэгдэх боловч үйлчилгээ нь хурдан гарч эргээд дорхноо сульдан ядардаг сөрөг талтай. Иймд өдрийн турш тогтвортой эрч хүчтэй, сэргэг байхыг хүсвэл матчаг сонгоорой. Кафеин өндөртэй тул орой уувал нойронд нөлөөлж болзошгүйг анхаараарай.
Матчаг хэрхэн хадгалах вэ?
-Матчаг задалснаас хойш 2-3 долоо хоногт ууж дуусвал сайн. Нарны гэрэл, халуун, чийгнээс хол газарт хадгалах хэрэгтэй. Тагийг нь сайтар таглана. Ялимгүй удаан хадгалсан матчагаа хаях гэж яаралгүй төрөл бүрийн амттан хийх боломжтой шүү.
Матча бэлтгэх 2 үндсэн арга
-Хэр өтгөн найруулахаасаа хамаарч 2 төрлийн матча цай байдаг: шингэн Усуча (薄茶) ба өтгөн Койча (濃茶).
Япон цайны ёслолд Койчаг бэлтгэнэ. Анхлан ууж эхлэхэд Усуча нь илүү тохиромжтой.
Усучаны хэмжээ:
-2гр матча нунтаг (1 ½ цайны халбага)
-70мл халуун ус
Койчаны хэмжээ:
-4гр матча нунтаг
-40мл халуун ус
Матча хэрхэн бэлтгэх вэ?
-Японы алдарт цайны ёслол нь матча цай бэлтгэх ёслол юм. Уламжлалт ёслолд зөвхөн матча бэлтгэхэд зориулсан тусгай хэрэгслүүд хэрэглэдэг бол гэртээ бэлтгэхдээ мэдээж хялбарчилж болно.
Үндсэндээ 3 зүйл хэрэг болно: Цайны аяга, хөөсрүүлж хутгах хутгуур, матчаг хэмжиж авах хутгуур
Цайны аяга нь амсар өргөн (будаатай аяга шиг манайд түгээмэл хэрэглэдэг уламжлалт цайны аяга яг тохирно) байх хэрэгтэй. Усуча эсвэл Койча аль стилиэр цайгаа хийхээ сонгоод матча нунтаг, халуун ус бэлтгэнэ. Дөнгөж буцалсан халуун ус биш, бага зэрэг хөрсөн +85C орчим хэмийн ус тохиромжтой. Матча нунтгаа жижиг шүүрээр шигшиж хийж болно.
Матча хутгаж хөөсрүүлэхэд хэрэглэдэг хулсан хутгуурыг часэн гэдэг. Часэн байхгүй бол кофены сүү хөөсрүүлэгч (milk frother) ашиглаарай.
Эхлээд цайны аягаа халуун усаар нэг зайлж асган аягаа халаах ба энэ нь цайны амтанд нөлөөлдөг гэж үздэг (энэ алхмыг алгасч болно). Хэмжиж авсан матча нунтгаа аягандаа хийгээд дээрээс нь халуун усаа хийж часэнээрээ хөөсөртөл нь зигзаг хэлбэрээр хурдан хутгана. Сүү хөөсрүүлэгч ашиглах нь илүү хялбар.
Хөөсөрч, бүрэн ууссан матча цайг уухад бэлэн боллоо. Цайгаа амтархан уугаарай 
Матча латте 
Эхлээд матча цайгаа дээрх аргаар бэлтгэнэ.
Өөрийн хүссэн хэмжээгээр сүүгээ хийж болно (кофетой латтенд 300мл сүү тохиромжтой гэж үздэг ч өөрийн амталгаанд тааруулж хийж болно) Мачта цайн дээрээ халааж хөөсрүүлсэн сүүгээ зөөлөн гоожуулж нэмээд хүсвэл хөөсөн дээр нь мачта нунтагнаасаа хөнгөн цацаж үзэмж нэмээд матчатай латте бэлэн!
Үйлдвэрлэсэн улс: Япон
Импортлогч улс: Итали
Хэмжээ: 30гр
