Эмзэг шүд, буйлтай хүмүүс ч хэрэглэж болох нүүрсжүүлсэн зөөлөн хар үстэй сойз. Сойзны үс нь нэн таатай зөөлөн тул өвтгөж эмзэглүүлэхгүй, шүдний өнцөг булан бүрт хүрч сайтар угаахад тустай байдаг :)
Одоогоор зах зээлд байгаа ихэнх хулсан сойзны зөвхөн иш нь хулс буюу байгалийн гаралтай материал, харин үс нь пластик-нелон байсан хэвээр байна. 100% biodegradable буюу байгальд бүрэн шингэдэг гэсэн шошготой сойз ч пластик үстэй юм (үүнд манай дэлгүүрт зарагдаж байгаа сойзнууд ч орно). Маш цөөн брэнд л байгальд бүрэн шингэдэг сойз үйлдвэрлэж байгаа ба энэ нь мэдээж хэд дахин үнэтэй байдаг.
Мөн хулсан сойзоо хэрэглэж дуусаад шууд хогондоо хийлээ гээд тэр нь хогийн цэгт очоод, тэндээ байгальд шингэдэг гэсэн үг биш юм. Хогийн цэг дээр янз бүрийн хог холилдсоноос болж байгальд шингэх боломжтой материал ч шингэж чадахгүй байсаар байдаг. Ялангуяа манайх шиг хогоо ангилж хаяж дадаагүй, тэгэх боломж нь ч хязгаарлагдмал газарт барагтай хог байгальд шингэлгүй бохирдол үүсгэж байгаа. Иймд хулсан сойзоо байгальд эргээд шингээж хаяя гэвэл үсийг нь бахиар салгаж аваад, хөрсөнд бүрэн булж үлдээх хэрэгтэй. Ингээд хулс нь 6 сар орчмын дараа өөрөө задарч байгальд шингэх боломжтой болдог
Гэхдээ хулсан сойз нь пластик сойзтой харьцуулахад хавь илүү ЭКО СОНГОЛТ мөн. Үсийг эс тооцвол эх бие нь тэр чигтээ хулс тул ядаж байгалийг бага бохирдуулна, бас авч явахад хөнгөн авсаархан байдаг.
