Гарт барьдаг зууван сойз
Хэмжээ: 13,5*8,5см
Зарим нь хуурай сойзыг бие угаах сойз гэж бодоод байдаг. Энэ нь бие угаах, усаар норгож хэрэглэх зориулалтгүй, зөвхөн ХУУРАЙГААР нь арьсаа үрж гуужуулан толигор өнгөлөг болгох, цусны эргэлтээ сайжруулах гм олон ашиг тустай, эрүүл мэнд - гоо сайхны зориулалттай сойз байдаг 
Dry brushing буюу хуурай сойзоор арьсаа гуужуулах заавар:
Драй брашинг гэдэг нь сойз ашиглан бие болон нүүрний үхэжсэн арьсыг гуужуулах арга юм. Энэ аргаар арьсаа тогтмол гуужуулснаар арьсны эд эсийг сэргээж, хаван, целлюлит үүсэхээс сэргийлж, мөн цусны эргэлтийг сайжруулснаар дархлаагаа дэмжих боломжтой.
Хөлнөөс дээшээ, гарын үзүүрээс зүрхэн чиглэлд дандаа биеийн төв цэг рүү чиглүүлж зөөлөн үрнэ. Хэвлийг тойрог хөдөлгөөнөөр үрнэ. Нимгэн арьстай эмзэг хэсгүүдийг маш зөөлнөөр болгоомжтой үрээрэй. Бүх биеийг үрэхэд нэг удаад 3-5 мин л хангалттай. Дараа нь усанд орно.
Манай Монголын уур амьсгал хуурай ширүүн, биеийн арьс байнга л хуурайшдаг шүү дээ. Тэгвэл 7 хоногт 2-3 удаа драй брашинг хийгээд үзээрэй. Арьсыг зөөлөн толигор болгож, дараа нь биеийн тос ч сайн шингэдэг болж үнэхээр үр дүнтэй байдаг шүү 
Сайн хуурай сойз нь гахайн үсээр хийгдсэн, хэт хатуу биш ч ерөнхийдөө хатуувтар үстэй байх ба энэ нь биеэ сайтар үрж гуужуулахад тустай байдаг. Хэт зөөлөн үстэй, эсвэл хиймэл үстэй сойзоор dry brushing хийх боломжгүй юм.
Хуурай сойзоо норгож, биеэ хөөсрүүлж угааж болохгүй, натурал материал учраас хөгцөрдөг. Иймд усанд орохын өмнө хуурай биеэ үрээд ус хүрэхгүй газар өлгөж тавиарай.
