Олон үйлдэлт ахуйн саванг аяга таваг, жимс ногоо угаах, гал тогооны бүх л төрлийн цэвэрлэгээ, усанд орох болон хувцас эд зүйл угаах гээд гэр ахуйн бүх төрлийн хэрэглээнд ашиглаж болно. Элдэв нэмэлт химийн бодис, өнгө, үнэр оруулагч найрлаганд нь ороогүй тул харшилтай, хэт мэдрэг хүмүүс ч хэрэглэж болох натурал саван юм.
Орц найрлага: Хонь үхрийн өөхөн тос, ургамлын тос, натрийн шүлт, цэвэршүүлсэн ус
~~~ Аяга тавгаа зүгээр л БАРААНЫ САВАНГААР угаадаг болоод 7-8 жил болжээ 
Энэ хооронд хэмнэсэн мөнгө болоод гаргаагүй хог хаягдлаа бодохоор бахархмаар болдог шүү кк. Хэрвээ хуванцар савтай шингэн аяга таваг угаагч хэрэглэж байсан бол сард 1 сав, жилд 12 сав, 4 жилд 48ш сав гээд л явж өгөх байж 
Гол нь барааны савангаар аяга таваг, сав суулга угаахад ямар ч асуудалгүй сайн цэвэрлэдэг, бас эрүүл аюулгүй санагддаг юм 
Айл бүрт олон төрлийн угаалга цэвэрлэгээний бодис өрөөстэй байдаг. Аяга тавагны, шил толины, ванн угаалтуурын, жорлонгийн, шалны, хувцас угаалгын, хувцас зөөлрүүлэгч гээд угааж цэвэрлэдэг юм болгонд өөр бодис хэрэглэдэг болсон 
Харин энэ бүгдийг ихэнхийг нь ердөө барааны саван, хүнсний сода, цуугаар л цэвэрлэчихэж болох байдаг. Юм бүрт өөр цэвэрлэгч хэрэглэх ёстой гэсэн ойлголтыг тэдгээрийг үйлдвэрлэгч компаниудын маркетинг-сурталчилгаа бидний тархинд суулгасан байдагт асуудал буй. Дэлгүүрт ороход ч хэдэн эгнээ дүүрэн төрөл бүрийн угаалга цэвэрлэгээний бодис өрөөстэй байдаг шүү дээ. Түүнийг нь хараад бид энэ бодисыг зөвхөн энэнд л хэрэглэх юм байна гээд хатуу ойлгочихдог талтай. Барааны саванг өнгө зүс муутай, үнэртэй гэх зэргээр голох нь бас бий. Угтаа жинхэнэ натурал бүтээгдэхүүн учраас нэмэлт өнгө оруулагч, хиймэл үнэргүй, тэрэнд нь зохиомлоор гоё өнгө зүс, үнэртэй болгосон бүтээгдэхүүн хэрэглэж дассан хүмүүс дургүй байх шиг санагддаг. Миний хувьд саван "царай муутай" байх тусмаа сайн санагддаг хэхэ, бас хайж байгаад савлагаагүй задгай саван авдаг. Савангаар угаахад ердийн порлон сайн хөөсөрдөггүй тал бий. Иймд натурал лүүфа угаагч эсвэл сэгсгэр нэхмэл угаагч их зүгээр байдаг. Лүүфа угаагч нь цэвэр ургамлын гаралтай, элэгдэж дуусахад нь хөрсөнд эсвэл бордоошуулагч саванд хийгээд хаягдалгүй шингээж болно. Сэгсгэр угаагч нь ердийн порлон угаагчтай харьцуулахад маш хурдан сайн хөөсөрдөг бас эдэлгээ нь хэд дахин урт. Бараг айл болгонд байдаг шар-ногоонтой порлон угаагч дорхноо шалчийж муудаад, эргээд тэрнээсээ нян тархахаар муухай болчихсон байдаг, тэгээд хаяад шинийг хэрэглэнэ гэх мэтээр хог хаягдлыг ч нэмэгдүүлдэг. Өөх тос ихтэй, түлэгдэж наалдсан сав суулгыг хүнсний содатай угаавал ямар ч асуудалгүй сайн цэвэрлэгддэг. Түлэгдсэн савыг заавал үрж зовж байхаар багахан ус хийгээд, содатай хэсэг байлгахад дэвтээд өөрөө түлэнхий нь салаад ирнэ. БАРААНЫ САВАНГ эргээд моданд оруулж, эрүүл аюулгүй, бас хэмнэлттэй эко аргаар аяга тавгаа угааж байгаарай 
