Dry brushing буюу хуурай сойзоор арьсаа гуужуулах заавар 🤗🛀
Сүүлийн үед трэнд болоод байгаа драй брашинг гэдэг нь сойз ашиглан бие болон нүүрний үхэжсэн арьсыг гуужуулах арга юм. Энэ аргаар арьсаа тогтмол гуужуулснаар арьсны эд эсийг сэргээж, хаван, целлюлит үүсэхээс сэргийлж, мөн цусны эргэлтийг сайжруулснаар дархлаагаа дэмжих боломжтой. Өвөл агаар маш хуурай болж, байнга битүү хувцастай явахаар биеийн арьс их хуурайшиж, холцруутдаг шүү дээ. Тэгвэл 7 хоногт 2-3 удаа, усанд орохын өмнө ердөө л 3 минут зарцуулж драй брашинг хийгээд үзээрэй. Арьсыг зөөлөн толигор болгож, дараа нь биеийн тос ч сайн шингэдэг болж үнэхээр үр дүнтэй байдаг шүү 😊
Сайн хуурай сойз нь гахайн үсээр хийгдсэн, хэт хатуу биш ч ерөнхийдөө хатуувтар үстэй байх ба энэ нь биеэ сайтар үрж гуужуулахад тустай байдаг. Зөөлөн үстэй, эсвэл хиймэл үстэй сойзоор dry brushing хийх боломжгүй юм.
Хуурай сойзоо норгож, биеэ хөөсрүүлж угааж болохгүй, натурал материал учраас хөгцөрдөг. Иймд усанд орохын өмнө хуурай биеэ үрээд ус хүрэхгүй газар өлгөж тавиарай.
